Oʻzbekcha klaviatura — Mac va Windows uchun yuklab olish
Oʻzbek lotin alifbosi uchun toʻrtta bepul terilma: ikkitasi 2026-yilgi yangi alifbo, ikkitasi amaldagi alifbo uchun. Mosini tanlang, sxemasini koʻring, shu sahifada terib koʻring va tizimingiz uchun faylni yuklab oling.
- Yangi lotin alifbosi (2026)
- Amaldagi lotin alifbosi
Yangi harflar harf qatorining oʻng tomonidagi oʻz tugmalarida turadi — turk klaviaturasidagi kabi. Bitta bosish bilan, qoʻshimcha tugmasiz teriladi.
Shift yoki Option/AltGr tugmasini bosib turing — sxema nima terilishini koʻrsatadi. Yangi harfli tugmalar yashil rangda.
Arxivda toʻrttala terilma bor — oʻrnatishda keraklilarini tanlang.
Terib koʻring
Bu maydon kompyuteringizda boshqa terilma yoqilgan boʻlsa ham tanlangan terilma boʻyicha yozadi — hech narsa oʻrnatish shart emas.
Oʻzbek klaviaturasini oʻrnatish · Windows
- 1Microsoft saytidan bepul Microsoft Keyboard Layout Creator 1.4 (MSKLC) dasturini oʻrnating.
- 2Arxivni oching, kerakli terilma faylini MSKLCʼda oching va menyudan tanlang:
uzlat26.klc → Project → Build DLL and Setup Package - 3Yaratilgan oʻrnatuvchini ishga tushiring:
setup.exe - 4Sozlamalar → Vaqt va til → Til va mintaqa → Klaviatura qoʻshish — tanlang:
Özbek lotin 2026 (UzLocal)
Windows 10/11 da MSKLC uchun .NET Framework 3.5 komponentini yoqish kerak boʻlishi mumkin. ARM protsessorli Windows qoʻllab-quvvatlanmaydi.
Caps Lock yangi harflarni ham bosh harfga aylantiradi (Windowsʼda AltGr variantlarida bosh harf Shift bilan teriladi). ⌘ va Ctrl bilan birikmalar odatdagidek ishlaydi.
Koʻp beriladigan savollar
Klaviaturada Ş, Ç, Ö, Ğ harflarini qanday yozish mumkin?
Yangi lotin terilmalaridan birini oʻrnating. “Turk klaviaturasi asosida” variantida har bir harfning oʻz tugmasi bor: [ → ğ, ; → ş, ] → ö, ' → ç. “US + Option” variantida Macʼda Option yoki Windowsʼda AltGr tugmasini S, C, O, G bilan birga bosing.
Amaldagi alifboda oʻ, gʻ va tutuq belgisi ʼ qanday teriladi?
Amaldagi alifbo uchun ikkita terilma bor. Birinchisida apostrof tugmasi toʻgʻri belgi ʻ ni teradi, shuning uchun harfni va apostrofni bosish kifoya: o + ' = oʻ. Ikkinchisida Option yoki AltGr O / G bilan birga darhol oʻ / gʻ ni beradi. Ikkalasida ham tutuq belgisi ʼ birning chap tomonidagi tugmada.
Nega oddiy apostrof ' toʻgʻri kelmaydi?
Oddiy apostrof — tinish belgisi: qidiruv, imlo tekshiruvi va boʻgʻin koʻchirish uni soʻz chegarasi deb qabul qilishi mumkin, matnda esa u bittalik qoʻshtirnoq bilan aralashib ketadi. Unicodeʼda ʻ (U+02BB) va ʼ (U+02BC) harf belgilariga kiradi, shuning uchun dasturlar ularni soʻzning bir qismi deb hisoblaydi — terilmalarimiz aynan shularni teradi.
Macʼga oʻzbek klaviaturasini qanday oʻrnatish mumkin?
macOS uchun arxivni yuklab oling, oching va papkani foydalanuvchi kutubxonasidagi Keyboard Layouts papkasiga oʻtkazing. Keyin tizimdan chiqib qayta kiring, Tizim sozlamalari → Klaviatura → Kiritish manbalari boʻlimida “+” ni bosing va kerakli terilmani qoʻshing.
Windows 10 va 11 ga oʻzbek terilmasini qanday oʻrnatish mumkin?
Windows uchun arxivni va bepul Microsoft Keyboard Layout Creator dasturini yuklab oling. Unda kerakli terilma faylini oching, Project menyusi orqali oʻrnatuvchini yarating va ishga tushiring. Shundan soʻng terilma Sozlamalardagi klaviaturalar roʻyxatida paydo boʻladi.
Bir nechta terilmani birga oʻrnatsa boʻladimi?
Ha. Arxivda toʻrttalasi ham bor — keraklilarini qoʻshing va ular orasida boshqa terilmalar kabi almashing.
Odatiy tugma birikmalari ishlashda davom etadimi?
Ha. ⌘ va Ctrl bilan birikmalar oddiy US terilmasidagidek ishlaydi: nusxalash, qoʻyish, bekor qilish va boshqalar oʻz joyida.
Bu bepulmi?
Ha, terilmalar shaxsiy va ish maqsadlarida foydalanish uchun bepul.
Oʻzbekcha klaviaturani qayerdan bepul yuklab olish mumkin?
Shu yerda: yuqoridagi oynadagi “macOS uchun yuklab olish” va “Windows uchun yuklab olish” tugmalarini bosing. Roʻyxatdan oʻtish shart emas, arxivda yangi va amaldagi lotin alifbosi uchun toʻrttala terilma bor.
Bu sahifani shunday ham qidirishadi
o'zbekcha klaviaturao‘zbekcha klaviatura yuklab olisho'zbek klaviaturao'zbek klaviaturasiozbek klaviaturaozbekcha klaviaturauzbek klaviaturauzbekcha klaviaturao'zbek lotin klaviaturao'zbek tilida klaviaturaklaviatura o'zbekcha yuklab olisho'zbekcha klaviatura kompyuter uchuno'zbekcha klaviatura windows 10o'zbekcha klaviatura macyangi alifbo klaviaturaўзбекча клавиатураўзбек клавиатураси юклаб олишузбекская клавиатураузбекская раскладка скачатьuzbek keyboard download
